Die DA-leier, Mmusi Maimane sê sy voorganger, Helen Zille, sal aan die DA se dissiplinêre strukture verantwoording moet doen nadat sy op Twitter aangevoer het dat kolonialisme nie net negatief was nie. Sy het gesê dat diegene wat kolonialisme slegs as negatief beskou aan Suid-Afrika se onafhanklike regstelsel, vervoerinfrastruktuur en watervoorsiening moet dink.
Maimane het egter teruggekap en gesê dat kolonialisme `n onverdedigbare stelsel was. Zille het intussen om verskoning gevra vir haar twitterplasing.
